مرحبا .. أنا كنت حابه أحكي معكو بهاد الموضوع .. لأنكو أكتر ناس رح تفهموني ! أنا بنت عمري 22 سنه .. خطبت بطريقه تقليديه كتير .. ومع هيك بحب خطيبي كتير كتير وهو بحبني كماان بس انا مشكلتي إنه عندي وقت فرااغ كتير فوقت الفراغ اغلبه عالنت ... تعرفت على شب بالشات هو اصغر مني بسنتين يعني انا بعتبره ولد مع العلم انا عمري 22 وانا بحكي معه كل يوم بس من الزهق وهو بعرف وهو بحكيلي انو العلاقه مستحيل تطور اكتر من هيك بس انا مابعرف الا احكي معه كل يوم اذا ماحكيت كانو في شي ناقصني طبعآ كل الحكي اللي بيني وبينه حكي عادي هو بحكيلي عن حاله وشو بصير معه وانا بعتبره متل اخوي لانه هو صغير بس انا حاسس حالي بخون خطيبي مع انه مافي شي صار بيني وبينه حتى حكي عالتلفون مابحكي بس شات مابعرف هل هاد هيك يعني خيانه يعني انا مابحكي معه الا لما اكون زهقانه ومافي شي اعمله وهو بحب بناات وبحكيلي عن اللي بحبهم يعني بأختصار علاقتي في متل اخوي ومستحيل يصير اكتر من هيك شو رأيكم انو لازم ما أحكي معه ؟؟؟؟؟ والا عادي .. ؟ أنا خايفه أكون عم بعمل غلط .. أنا متل ما بعرف إلي بحب حدا بكنش شايف حدا غيره .. طب أنا كيف قادره أشوف هاد الشاب .. واحكي معه ؟ بلكي مش من المفروض اتجوز خطيبي ؟! بلكي عم بغلط ؟! بليز حدا يقولي !

كيف أصارح امي بإنو عندي حبيب ! هاي صبايا و شباب .. كيفكو ! أما مش بالظبط عندي مشكله ... بس مش عارفه شو هي أحسن طريقه اتعامل مع الموضوع ! أنا بنت عمري 16 سنه .. و مش تقولولي بعدك زغيره ! مش رح تفيدوني ! بهاد الحكي أنا بحب واحد .. و هو كمان كتير بحبني .. هو أكبر مني بسنه ... بلشت بناتنا علاقه كتير حلوه و دايماً بشوفو بالمدرسه أو بالمركز اللي منروح عليه ... المهم .. أهلي ما بعرفو أي اشي عن الموضوع .. بس حاسه إنو لازم يعرفوا .. إنو احنا مش عم نعمل أي اشي غلط ... و حابه إنو أحكي لأهلي ... بس خايفه إنو يتضايقوا .. شو ممكن أقلهن عشان ما يفهموا الموضوع غلط ؟؟ و عشهاً ما يخافوا علي !!؟ أنا بدي انهن يتقبلوا علاقتنا و بدي إنو أكون صريحه معهن .. شو هي أحسن طريقه بتقترحوها عشان أحكيلهن ؟؟ ولا أجيبو علبيت عشان هن يتعرفوا عليه ؟ و هيك بكون أهون ؟؟

شو الحل مع زوجي.. يوميا بيضربني ويهني بابشع الالفاظ واسوء معامله ودايما يحسسني انه رح يتركني و يهددني بالطلاق دائما مع العلم اننا ماخدين بعض عن حب بس اتغير كتير... دايماً بيضربني ويهني ومفضل الدنيا كلها علي انا بالنسباله ولا اشي وهو قالهالي بصراحه رغم اني حبيته لدرجه العشق وعملت المستحيل علشان يتغير.. قولولي شو أسوي ! أنا عمري 23 سنه

شباب و صبايا بدي مساعدتكو ! شو بعمل الواحد لما بلاقي حال علقان و غرقان بحب بنتين .. والمشكله إن البنتين بنفس الصف .. و أنا على علاقه فيهن التنتين ! و خايف انهن يعرفوا و ساعتها راح أخسرهن التنتين ... يعني أنا بحكي معهن ..و بحب أكون معهن و مش عارف أقرر مع مين بدي أكون .. والمشكله الأكبر إنو الجمعه الجاي في عيد بنت صفنا و هي من شلتنا يعني و بنفعش ما أروح .. البنتين كمان راح يكونو .. و خايف لينفضح الموضوع ! شو أساوي ؟ هن كتير بغارو من بعض لأنو بحسو إنو علاقتي فيهن مش زي علاقتي بباقي البنات ... و بنفعش مأحكيش ولا مع وحده .. حدا عندو فكرة شو أسوي ؟؟

مرحبا .. أنا رح أكتب مشكلتي هون .. مش عشان أسمع منكو قديش أنا غلطانه .. لأنه أنا بعرف قديش .. بس عشان بدي منكو حل أو إقتراح لكيف اتخلص من هلمشكله.. ! أنا بنت عمري 19سنة تعرفت على شاب و كنا نحكي كتير و حبينا بعض و كنا نحكي على النت ..و تكلمت معه بالجنس … هو اللي بلش... مع اني ما كنت بدي.. بالأول كان يرمي جمل اللي فيها حكي أو أكم كلمه عن الجنس .. و بعدين مره ورا مره صار الموضوع عادي و صرنا نحكي حكي جنسي .. قبل هاد الشاب ولا مرة سويت اشي من هالشكل وولا مره جبت سيره الموضوع .. بس بعرفش كيف انجرفت معه.. هو لعب في عقلي…و قال انو بحبني و انا اتأثرت فيه كتير لأنه ولا مرة كان عندي حدا يحبني .. بشي مرحلة أنا بطلت أقبل أحكي حكي بالجنس .. و فهمته هاد الإشي . و لما هو شاف إنو أنا ما بدي قطع علاقته معي.. أنا انجرحت كتير ..لأنه طلع واحد واطي و إسا أنا خايفه إنو ينشر الحكي اللي كنا نحكيه عالنت.. انا عم ضل فكر و خايفة كتير و ما بعرف شو اعمل و ندمانة كتير…والله ضايعة و حاسة بتأنيب الضمير لأن والله بحياتي ما حاكيت حدا هيك كلام غير هو…و ما بعرف كيف هيك صار .. شو أسوي ؟