إن أرادت المرأة أن تكون غامضة فإنها تنجح في ذلك مائة بالمائة، أما الرجل فهو يمكن أن يبدو غامضًا، ولكنها سرعان ما تكتشف هذا الغموض وتعري مواقفه. هذا ما تطرقت إليه المحللة النفسية البرازيلية روزانا سانتوس سيلفا، في دراستها التي أكدت فيها أن الرجل لا يستطيع فهم أشياء كثيرة عن المرأة، ولا يجد تفسيرًا لذلك. وتابعت: «الرجل لا يستطيع تحديدًا فهم تسعة أشياء رئيسة عن المرأة»! فما هي؟ أولاً: يقلن إن جميع الرجال متشابهون ولكنهن يتزوجن. غالبية النساء يقلن إن جميع الرجال متشابهون من حيثُ خيانة المرأة وعدم احترامها ومحاولتهم السيطرة على تصرفاتها، ولكنهن رغم معرفة ذلك يسعين وراء الزواج حتى إذا لم تثق الواحدة بأن الرجل الذي سترتبط به سيخلص لها أو سيكون زوجًا مثاليًا. هذا يعتبر غامضًا بالنسبة للرجل. فكيف لا تثق المرأة بالرجل، وتسعى في نفس الوقت إلى الزواج منه، وبناء علاقة عاطفية معه؟ ثانيًا: يطلبن النصيحة من نساء عازبات لم يجربن الزواج. هذه حقيقة. فهناك الكثير من النساء المتزوجات اللواتي يسعين وراء أخذ النصيحة من صديقات لم يتزوجن أو يرتبطن برجل على الإطلاق. هناك أمثلة كثيرة على ذلك في المجتمع، والرجل لا يستطيع ولا بشكل من الأشكال فهم ذلك. إنه أمر غامض بالنسبة له. ثالثًا: يستخدمن الماكياج حتى وإن كن جميلات برأي المحللة النفسية البرازيلية روزانا سانتوس سيلفا، أن الرجل يقف أحيانًا حائرًا وهو يفكر لماذا تستخدم هذه المرأة الجميلة أو تلك الماكياج، رغم جمالها الطبيعي الأخاذ. لا يستطيع الرجل أن يفهم ما الذي يدفع المرأة الجميلة إلى ذلك؛ لأنه لا يدرك أن غالبية النساء غير راضيات عن أنفسهن مهما كنّ جميلات، ويعتقدن أن الماكياج يغيِّر الصورة التي يرين فيها أنفسهن أمام المرآة. رابعًا: يرغبن بالحمل والإنجاب رغم جميع الآلام! حمل المرأة وإنجابها مازال يعتبر لغزًا بالنسبة للرجل. فهو يفكر كيف، وبعد كل المعاناة المترتبة على هذه الحالة --- أكثر

الفرق بين قلب الرجل وقلب المرأه *** الفرق هو في الحجم … قلب الرجل اكبر ….. وقلب المرأة صغير … لكن العبرة ليست في الحجم …. *** قلب الرجل فندق لا حدود لحجراته .. وغرفه وقاعاته … يفتحها جميعا امام كل انسان .. يحمل اسم امرأة …. هو فندق يتسع لكل الزائرات .. العابرات منهن والمقيمات … يدخلنه ساعة يشأن .. ويخرجن منه ساعة يشاء هو …. *** كل نزيلة في الفندق تعتقد انه إلها وحدها …… تظنه حجرة واحدة فقط .. او قاعات متعددة لها وحدها … فقط بس الفندق للكل .. لها .. ولغيرها …. تقيم فيه ساعة او يوم .. شهر أو دهر .. ثم يأتي الرحيل …. *** قلوب النساء أصغر …. هي حجرة واحدة …. ينزل فيها رجل واحد .. فهي لا تتسع لاثنين … من يدخلها يقيم فيها للابد .. حتى لو تركها الى فندق آخر … *** هاد هو الفرق … كلاهما فندق .. لكنه عند المرأة غرفه .. وعند الرجل في غرف !! حتى في الرحيل هناك فرق … تقيم الانثى في فندق الرجل .. ثم ترحل .. تترك دمعة .. أو وردة … ويقيم الرجل في فندق الانثى .. ثم يرحل .. يترك جرحا .. او شوكة ….

لما تكون تحب حدا و تكتشف إنو الشخص اللي إنت بتحبه ما بحبك و ما ببادلك نفس الشعور .. عواطفك بتنهار ... بتنصدم .. و بتحس انها أخر العالم ... و بوخدك وقت كتير طويل لحتى تنسى أو تحاول تكمل حياتك .. حتى ما توصلوا لهاد الوضع ... حاولوا اعرفوا إذا الشخص اللي انتو بتحبوه ببادلكو نفس الشعور .. شو هن الإشارات ؟ راح أحكيلكو كيف تكتشفوهن .. حتى ما تضلكو عايشين بأوهام !! 1. التجاهل ! ممكن تقضي ساعات تحكي و تشاركه بمشاعرك .. بمشاكلك .. أفراحك .. و أحاسيسك ... بس هو ما بسمعك .. ولا بتجاوب معك .. ولا بعيرك أي إهتمام .. 2. الذل ! لما تتنازل عن كبرياءك .. و تضحي من أجله .. و هو ما بهتم ... ممكن يزعلك و ينسى انيق موجود أصلاً و ما يهتم إنه يرجع يحاكيك... بترجع تتأسف و تطلب السماح .. و هو ما بسامح .. بعملك بقسوه و ببعد عنك ! 3. ما بصدق ممكن تحكيله عن حقيقه .. و بضله يكذبك .. بتحلفله انك صادق و بتحاول تقنعه (لأنه بهمك انك يقتنع ) ... و ما بتلاقي بالمقابل غير شخص لا مبالي ... قاسي و شكاك ! 4. بنتقدك !! مهما حاولت.. و لو شو ما سويت رح تضلك سيء بنظرة .. و أي اشي بتعمله مس رح يكون كافي ! 5. اهم نقطة ! ولا مرة قلك بحبك !! يعني معقول إنو إذا شخص ما قلك إنه بحبك و بعاملك بطريقه كتير مش حلوه تضل تحبه من بعيد لبعيد ؟ و عنجد بتتوقع إنو ممكن يتغير ؟؟ و انك بأفعالك ممكن تخليه يحبك !؟؟ نصيحتي الكو .. ما تحبو إلا الشخص اللي بحبكو عنجد .. و ما تتوهموا الحب من أشخاص بعرفوش قيمتكو !

ممكن تكون نواياكي لحبيب قلبك كتير منيحه و بتتمنيله الخير بس هاد ما بقول انك تصدقي كل كلامه... كتير شباب ممكن يعترفو انهن ممكن يسمو كذبهم .. كذبه بيضاء ! حتى ما تصير مشاكل بينهم و بين حبيباتهن... في صبايا بعرفو بهاي الشغله و بمشوها .. لأنه ممكن يعتبروها عنجد كذبه بيضاء ! ومش مهمه .. و في صبايا اللي مش مستعده تتقبل إنو في أصلاً اشي اسمو كذبه بيضاء أو سوداء أو حتى زهريه ! بس في كل الأحوال هناك إجماع من المختصين، على إنو الشباب أكثر كذبًا من الصبايا.. لانهن بيفضلوا الحلول المؤقتة على الحلول الجذرية ! السؤال اللي بطرح بعضه .. هل عنجد الكذبه البيضاء بتنجي من مشكله ؟؟ ولا بتزيد المشكله ؟؟ و شو هي المواضيع اللي مسموح يكون فيها هاي كذبه بيضاء؟ ووين الخط اللي بفصل بين كذبه صغيره .. و كذبه كبيره ؟؟ بيضاء و سودا ؟ و هل إذا سمحنا بالكذبه البيضاء أول مرة ممكن تزيد عدد الكذبات و يتغير لونها !؟ حسب رأي المصارحة والتفاهم بين الحبايب ما بيخلي مجال للكذب الأبيض أو غيره... و أصلاً مش مفروض أي طرف يتقبل أي نوع من الكذب .. لأنو الكذبه البيضاء بتفتح المجال للكذبه السودة ! و ساعتها فش مجال إنو حدا يتقبل هاد الكذب و هون بتكبر المشكله و بتتعقد أكتر ! الكذبة بتجر وراءها كذبات.. للأسف الكذب الأبيض صار من سمات العصر، كنوع من مجاملة الناس و تخفيف وجع راس ! المشكله إنو الكذب بيهز الثقة بين اي تنين .. و إذا هاي الكذبه مرت على خير .. المرة الجاي ممكن ما تمر على خير .. تفادي الخلافات، وجرح المشاعر مش لازم يكون مبرر للكذب .. و مش مهم شو لونها ! الحل هو بالحوار الصريح وبالتفاهم و بتقبل الطرف لتاني بكل صفاته الحلوه والعاطله !

إعرف حبيبتك لحتى تحبها.. مش لحتى تغيرها.. أغلب الشباب ما بحاولو يعرفوا الصبايا ليتعرفوا عليهن او يحبوهن لشخصيتهن الفريده ... أغلب الشباب بحاولو عن طريق التعرف على الصبيه يغيروها أو يأثروا عليها لتصير كيف هن بحبو الصبيه تكون .. الهدف من التعرف على الصبيه المفروض يكون لتحسين العلاقة و تقويتها .. الشاب مهم إنو بهاي الفتره يحصل على الأدوات اللازمه ليعرف الصبيه ويقدر يفهم عليها حتى من دون ما تحكي ! حاول تكون صديقها من قبل ما تكون حبيبها .. إفتح المجال بينك وبينها لحوار صريح .. من دون أي حدود.. اعطيها المجال إنو تكون صريحه معك لأبعد حدود و تقول رأيها الخاص حتى لو ما كان عاجبك ! أو مختلف عن رأيك .. و دايماً تذكر إنو ( و حتى لو بتحبوا بعض كتيييييير ) انتو تنين .. يعني شخصين .. لكل واحد حياته .. اراءه .. طريقه تفكيره .. و التنتين صح ! كيف ممكن تسوي اللي عم بحكي عنو ؟؟ * تخلى عن الأفكار المسبقة اللي عندك عن حبيبتك. كل اطلع عليها وكأنك أول مرة بتقابلها .. و حاول إعرف كمان شغله جديده عنها ! صدقني دايماً في اشياء جديده! *لما حببتك تعمل أي اشي و انتي مش فاهمو .. ما تستنتج استنتاجات لحالك ! اطلب منها انها توضح أكتر .. لأنه كتير مرت الاستنتاجات اللي منستنتجها بتكون غلط ! ( آه زي ما سمعت ! ) * تقبل طرق التفكير .. التصرف.. الحكي .. التعامل.. الخاصه بحببتك .. حتى لو ما كانت زي طرقك إنت. تذكر هون فش طريقه صح .. و طريقه غلط .. في طرق مختلفه ! بس .. ! * حب حبيبتك لصفاتها الموجوده فيها .. الحاليه .. و مش للصفات اللي إنت بتفكر انها رح تكون عندها !